D’ Formation continue

An eiser Formatioun bidde mir de Mataarbechter d’Méiglechkeet, hir perséinlech Kenntnisser an den 3 Elementer vun der Grondausbildung (Selbsterfahrung, Gespréichsféierung, psychologescht Wëssen) kontinuéierlech weider ze entwéckelen.

An themathesch orientéierte Coursë kënnen d’Mataarbechter hiert Wëssen zu konkreten Themen a Problemberäicher, esou wéi hir Kompetenzen an der Gespréichsféierung verdéiwen.

An de Supervisiounsgruppen kënnen d’Mataarbechter déi spezifesch Froen a Wënsch no Ënnerstëtzung abréngen, déi sech an hirer Praxis um Telefon erginn.

Déi konzeptionell Grondlage vun eisen Ausbildungen sinn d’Grondsätz vun der persounenzentréierter Gespréichsféierung vum Carl Rogers, d’Haltungen an Denkmodeller vun der systemescher Therapie, esou wéi déi rezent Erkenntnisser aus der Neurobiologiefuerschung.